miércoles, 28 de noviembre de 2012

Oarsoaldeko askapenaren elkartasun gutuna



"SER JOVEN Y NO REVOLUCIONARIO ES UNA CONTRADICCIÓN
HASTA BIOLÓGICA" (Salvador Allende)

Ateak zabalik, ateak itxita


Gure etxeko atea zabalik dute Oreretako sei gazte auziperatuek, euskal 
gazte iraultzaileek, Gazako palestinarrek, jatorrizko herriek, gose 
greban dauden preso politiko kurdoek, Saharako emakumeek, langile 
zapalduek eta hizkuntza gutxituek. Atea zabalik dute beren herriaren 
askatasun borrokan tinko dirauten horiek eta herrien munduan sinesten 
dutenek. Atea irekitzen diegu, gurean bezala, munduko beste herrietan 
ere kriminalizatzen diren ideia eta eskubide zibil eta politikoei.

Gure etxeko atea ez diegu, ordea, inoiz irekiko estatu zapaltzaileei; 
estatu patriarkal, xenofobo, inperialista eta kapitalistei. Giza 
eskubideak zapaldu eta diruaren usainaz soilik mugitzen diren horiei.

Gaztea eta ez iraultzailea izatea kontraesan biologikoa ere omen da. 
Ez gaitezen kontraesanetan erori eta izan gaitezen gai munduko edozein 
lekutan edozein pertsonak jasaten duen edozein bidegabekeria sakonki 
sentitzeko; hori baita iraultzaileen kualitaterik ederrena, Chek zioen 
bezala.

Aurrera gazteak!


-- 
Oarsoaldeko Askapena

No hay comentarios:

Publicar un comentario