PSE-EEko gazteekin Bilkura

Astelehenean harreman biran beste geltoki bat egin genuen: JSE-Egaz Ramon Rubial PSE-EEko gazteriarekin izan ginen euren Bilboko egoitzan. Zehazki Alain Coloma idazkari nagusiarekin bildu ginen. Nor ginen azaldu ondoren, harreman biraren eta gure irakurketaren berri eman genion. Ildo beretik, ekimen politikoek ondorio pertsonal zein kolektiborik ezin dutela eragin esatean bat egin genuen; are gutxiago gaur egun bizi dugun kontestuan. Bestalde, Kongresu baten atarian egoteak lana badakar ere, azaldu geniona bere inguruan zabaltzeko ardura hartu zuen. Gainera, etorkizunean ere elkarren berri izango genuela adostu genuen.