2 gazteen egoera salatzeko manifestazioa otsailaren 12an

Oreretako bi gazteen egoera salatzeko manifestazioa deitu du Eleak mugimenduak otsailaren 12an arratsaldeko 20:00etan Herriko plazatik. Dakizuenez, bi gazteek 10 egunetan beren burua aurkezteko agindua jaso dute. Egoera honen aurrean, salaketa eta mobilizazioa ezinbestekotzat jotzen ditu Eleak mugimenduak.

Martxa jendetsua Martutenen hiru gazteen espetxeratzea eta bi gazteen egoera salatzeko

Atzo, otsailak 2, Oarsoaldeko gazteek martxa jendetsua burutu zuten Martutenera. Bertan ordubete egon ziren barruan aurkitzen diren Arkaitz Anza, Maitane Linazasoro eta Xabier Lujanbio gazteei haien elkartasuna adieraziz. Hona hemen antolatzaileek egindako adierazpenak eta prentsan ateratako loturak.

Gazteek beren burua aurkezteko 10 eguneko epea dutela jakitean egindako kontzentrazioa

Dakizuen bezala, Oreretako bi gazteek jaso dute beren burua 10 egunetan epaitegian aurkezteko gutuna; otsailaren 13an hain zuzen ere.

Oraindik ere Oreretako 2 gazte espetxeratzeko zain!

Joan den larunbatean, manifestazioaren ondoren atxilotu zituzten Xabier, Maitane eta Arkaitz, herri baten babesa eta ekartasuna jasotzen zuten bitartean. Baina 3 hauek ez dira atxilotzeko zain zeuden gazte bakarrak, eta oraindik ere 2 gazte daude espetxean noiz sartuko zain.
 Gaur irtsi zaie Aitor Franko eta Jon Aitor Alberdiri epaitegitik gutuna, Otsailaren 13a dutelarik azken eguna epaitegian aurkezteko.
Hau dela eta Oarsoaldean eskubide zibil eta politikoen aldeko borrokan jarraitzeko eta oraindik libre dauden 2 gazte hauei elkartasuna adierazteko hurrengo mobilizazioetan parte hartzera deitzen dugu, gaurtik hasita 8etan Herriko plazan egingo den asanblada informatibotiboan.

Beraz gogoratu, GAUR 8ETAN HERRIKO PLAZAN ASANBLADA INFORMATIBOA!

Gazte bat gehiago ez!

Euskal gazteria Libre eta Legala!

OTSAILAREN 2an OARSOALDEKO GAZTEOK MARTUTENERA!

Oarsoaldeko Gazte Mugimenduak elkartasun martxa antolatu dugu Martuteneko espetxera otsailaren 2an. Bertan, espetxeratuak aurkitzen diren Xabier Lujanbio, Maitane Linazasoro eta Arkaitz Anazari elkartasuna adierazteaz gain, edozein unetan espetxeratuak izango diren Aitor Franco, Jon Aitor Alberdi eta gainontzeko gazte guztien egoera ere salatzea dugu helburu.

Manifestazio aurreko kontzentrazioak

Iruñeako kontzentra

Manifestazioaren aurreko egunean kontzentrazioak ere izan genituen Euskal Herrian zehar. Alde batetik Gasteizen eta Iruñean kontzentrazioak burutu ziren, azken honetan Burlatako gazteen egoera baita ere salatuz.

Beste alde batetik, Oiartzon jolasgaraian kontzentra txiki bat antolatu zuten ikasle abertzaleek. Bertan, ezkutatuak zeuden hiru presoen gutuna irakurri eta ostiralean zegoen elkartasun gunearen berri eta larunbateko manifestazioaren berri eman zen.

Maitane Linazasoro, Arkaitz Anza eta Xabier Lujanbioren atxiloketa !

http://topatu.info/anza-linazasoro-eta-lujanbio-gazte-oreretarrak-atxilotu-ditu-ertzaintzak/